AI-Sana – AI-Sana — жасанды интеллект саласындағы дағдыларды жан-жақты дамытуға бағытталған бірегей акселерациялық бағдарлама. Бағдарлама студенттер, магистранттар және докторанттар үшін арналған және ұлттық экономиканың әлеуетін ашуға, технологиялық кәсіпкерлікті қолдауға ерекше назар аударады. Ол тиімділігі дәлелденген, әлемнің жетекші жоғары және (немесе) жоғары оқу орнынан кейінгі білім беру ұйымдарында (Stanford, MIT және т.б.) қолданылатын авторлық бағдарламалар негізінде үздік халықаралық сарапшылардың қатысуымен жүзеге асырылады.

Бағдарлама аясында Қазақстанның технологиялық және экономикалық өсуінің қозғаушы күшіне айналуға тиіс DeepTech-стартаптарды құруға ерекше көңіл бөлінген. Сонымен қатар, бағдарлама халықаралық сарапшыларға үнемі тәуелді болмай-ақ жаңа жобаларды генерациялай алатын отандық ғылыми құзыретті қалыптастыруға бағытталған. Бұл ел ішінде өз зерттеу мектебін дамытып, жасанды интеллектті қолдану арқылы жаңа салалық шешімдерді тұрақты түрде әзірлеуге мүмкіндік береді.